Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«Բակո Սահակյանը, Ռոբերտ Քոչարյանը, Լեռնային Ղարաբաղի բոլոր հայերը դավաճանության զոհ են դարձել. Բայց ես վստահ եմ, որ արդարության ժամանակը կգա»,- Արցախի երրորդ նախագահ Բակո Սահակյանի ծննդյան օրվա կապակցությամբ ասել է ՌԴ Պետդումայի պատգամավոր Կոնստանտին Զատուլինը:
Ռոբերտ Քոչարյանին ով է դավաճանել՝ չեմ կարող ասել, բայց Բակո Սահակյանին Ադրբեջանի հատուկ ծառայություններին հանձնել է ԼՂ-ում Ռուսաստանի «խաղաղապահ զորախմբի» հրամանատարությունը: Եւ Կոնստանտին Զատուլինը ճիշտ կանի, եթե Բակո Սահակյանի, Բաքվում պատանդ պահվող մյուսների հայրենադարձության հարցով դիմի ՌԴ նախագահ Պուտինին: Որովհետեւ «ռազմական հանցագործության» համար դատված հայ զինծառայողներն էլ Ադրբեջանին է հանձնել գեներալ Վոլկովը: Ի դեպ, նրանք գերեվարվել են Բակո Սահակյանի պապենական Խծաբերդ գյուղից:
