«Ես դեռ դրա մասին չեմ ուզում խոսել»,-այսպես արձագանքեց Արցախի նախկին նախագահ Սամվել Շահրամանյանը՝ անդրադառնալով հարցին, թե Հայաստանի իշխանությունների կողմից ի՞նչ ճնշումներ են գործադրվում։
Արցախի վերջին նախագահը, վկայակոչելով նախաքննության գաղտնիությունը, մանրամասներ չհրապարակեց քրեական վարույթից, որով անցնում է որպես վկա ու վարույթ հարուցվել է Արցախի ՊԲ նախկին նախարար Սամվել Բաբայանի հաղորդման հիման վրա։
«Դա վերաբերում է Արցախում վերջին ժամանակահատվածում տեղի ունեցած իրադարձություններին։ Ես գտնում եմ, որ նման գործ պետք է նախաձեռնվեր, որ բացահայտվեր ճշմարտությունը»,-ասաց նա։
Հարցին, չի բացառվում, որ Շահրամանյանին ևս կալանավորին՝ նա արձագանքեց. «Մենք ամեն ինչի պատրաստ ենք»։
Լրագրողները Արցախի նախկին նախագահից հետաքրքրվեցին նաև Հայաստանում ԼՂՀ ներկայացուցչության շենքի ճակատագրով։
«Շենքն օրինական ճանապարհով վերցնելն անհնար է, քանի որ դա 1991 թվականից քաղաքապետի, կառավարության որոշմամբ, ԱԳ նախարարության կոմից ճանաչվել է դիվանագիտական շենք»,-նշեց նա։
