Մենք լավ հարաբերություններ ունենք Պակիստանի և Հայաստանի հետ, և դրական ենք գնահատում այս զարգացումը, և հույս ունենք, որ մեր երկու հարևանների միջև հարաբերությունների հաստատումը կամրապնդի տարածաշրջանի երկրների կապերը։
Իրանի արտաքին գործերի նախարարության պաշտոնական ներկայացուցիչ Էսմայիլ Բաղային ճեպազրույցի ժամանակ նման կերպ է մեկնաբանել Հայաստանի և Պակիստանի միջև դիվանագիտական հարաբերությունների հաստատումը։
Հայաստանի և Պակիստանի արտգործնախարարներ Արարատ Միրզոյանը և Մոհամմադ Իշաք Դարը Չինաստանում ստորագրել են երկու երկրների միջև դիվանագիտական հարաբերություններ հաստատելու մասին համատեղ կոմյունիկե:
