Ուկրաինայի նախագահ Վոլոդիմիր Զելենսկին Ռուսաստանի անօդաչուներով հարձակումները «լկտիություն» է անվանել, հաղորդում է Украинская правда-ն:
«Ռուսների լկտիությունը գնալով մեծանում է. նրանք օրեցօր ավելի հաճախ են հարձակվում Ուկրաինայի վրա տասնյակ հարվածային դրոններով։ Փաստորեն, սա Ռուսաստանի բացահայտ արհամարհանքն է այն ամենի նկատմամբ, ինչ աշխարհն անում է պատերազմը դադարեցնելու համար։ Ռուսները բառացիորեն հերքեցին այն, ինչ ասում էր նախագահ Թրամփը՝ առաջնորդների հանդիպման մասին, որն անհրաժեշտ է պատերազմն ավարտելու համար:
Եվ հիմա տեսնում ենք ռուսական ուժերի հերթական կուտակումները ռազմաճակատի որոշ հատվածներում։ Ռուսաստանը շարունակում է հարվածներ հասցնել։ Իհարկե, մենք դրան կպատասխանենք, այդ թվում՝ ասիմետրիկ, որպեսզի Ռուսաստանը հստակ զգա իր լկտիության հետևանքները», – նշել է նախագահը։
