«Իշխանափոխությունից հետո Արցախը լինելու է օրակարգային գլխավոր հարցը և այն հիմնվելու է միջազգային իրավունքի, դիվանագիտական համակրգերի, ՀՀ բարեկամ պետությունների օրակարգային հարց և երրորդ որևէ երկրների հետ հարաբերություններում կարևորագույն նախապայման»,-ԱԺ-ում ճեպազրույցի ժամանակ ասաց «Հայաստան» խմբակցության քարտուղար Արծվիկ Մինասյանը։
Նա նշեց, որ Արցախի հարցը դառնալու է միջազգային օրակարգի հարց՝ միջազգային իրավունքի նորմերին համապատասխան։
Պատգամավորը հայտարարեց, որ ժողովրդի ճնշող մեծամասնությունը մերժում է ներկայիս իշխանություններին։
Ըստ Մինասյանի՝ բնակչության մի մասը կարծում է, որ իշխանափոխությունը պետք է արագ տեղի ունենա, մյուսը կարծում է, որ պետք է համբերատար լինել, իսկ մի մասն էլ հույսեր է կապում ընտրությունների հետ։
Արձագանքելով Փաշինյանի հայտարարությանը թե ընդդիմությունը 2026 թվականին կհայտնվի քաղաքական աղբանոցում՝ Մինասյանն ասաց. «Իր մանկության այդ երազանքը կփշրվի բյուրեղյա ապակու պես և վստահ եմ, որ հենց ինքը և իր վայ քաղաքական թիմն են հայտնվելու ոչ միայն քաղաքական աղբանոցում, այլ համապատասխան ՔԿՀ-ներում»։
Նա նկատեց, որ հասել ենք նրան, որ բացի ծանր հանցագործություն կատարելով Փաշինյանն իրեն փոխարինում են պետությանը՝ հայտարարելով. «Կառավարությունը ես եմ»։
«Դրանով նրանք ուզում են ժողովրդին ասեն, որ եթե իրենք չլինեն, ապա ավեր կլինի, թեև հենց իրենք են գործը տանում դեպի աղետ»,-ասաց Մինասյանը։
Նշելով որ ժողովրդին ընդդիմության շուրջ համախմբելու անհրաժեշտություն կա՝ Մինասյանը ասաց, թե պարտադիր չէ, որ այդ համախմբումը տեղի ունենա մեկ բևեռի շուրջ, դրանք կարող են մի քանիսը լինեն, բայց կարևոր է, որ բոլոր բևեռները գործեն մեկ միասնական նպատակի՝ իշխանության հեռացման և ազգային իշխանության ձևավորման շուրջ։
Պատգամավորը հայտարարեց, որ ընդդիմությունն ու ազգային ուժերն ամենից շան են խաղաղություն ուզում, բայց այն պետք է հիմնված լինի ժողովրդի նկատմամբ հարգանքի, նրա կյանքի իրավունքի հարգանքի վրա՝ միջազգային մեխանիզմների ներգրավմամբ։
նա նաև հայտնեց, որ խմբակցության մակարդակով շարունակվում են գլխավոր դատախազին անվստահություն հայտնելու քննարկումները։
