Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
Հայ հանրությունը կամ առնվազն նրա մի շատ զգալի հատվածը պատերազմի կանխումը եւ պատերազմից խուսափելը չի տարբերակում: Նույնիսկ քաղաքական լուրջ գործիչները հարց են տալիս, թե հնարավո՞ր էր քառասունչորսօրյա պատերազմից «խուսափել»:
Պատասխանը միանշանակ բացասական է՝ ոչ: Ինչու՞: Որովհետեւ առաջին պատերազմից մինչեւ Նիկոլ Փաշինյանի «թավշյա, ոչ բռնի, համաժողովրդական հեղափոխություն» տեւած գրեթե քառորդդարյա ժամանակահատվածում Հայաստանը չի ավելացրել պատերազմ կանխելու, թույլ չտալու, թշնամուն դիվանագիտական, տնտեսական, դեմոգրաֆիկ, քարոզչական ազդեցությամբ զսպելու ռեսուրսները, իսկ նա բազմապատիկ մեծացրել է ռեւանշ-պատերազմի հնարավորությունները թե ներքին կազմակերպվածությամբ, թե արտաքին աջակցությամբ: Չլիներ 27.09.2020-ը, լինելու էր մի X թվական, ամիս, օր: Ինչպես մինչ այդ եղել էր 02.04.2016-ը:
