Նախագահ Դոնալդ Թրամփի ուլտիմատումից հետո պաղեստինյան ՀԱՄԱՍ շարժումը հայտարարել է, որ պատրաստ է անմիջապես սկսել բանակցություններ՝ Գազայի հատվածում պատերազմը դադարեցնելու և «բոլոր բանտարկյալների» ազատ արձակման համար:
Կիրակի երեկո ՀԱՄԱՍ-ի հայտարարության մեջ ասվում է, որ ավելի վաղ միջնորդների միջոցով ստացվել են «մի քանի գաղափարներ ամերիկյան կողմից՝ հրադադարի հասնելու ուղղությամբ»:
2023 թվականի հոկտեմբերի 7-ին գերեվարված իսրայելցի պատանդներին ազատ արձակելու դիմաց ՀԱՄԱՍ-ը Իսրայելից պահանջում է հստակ հայտարարություն պատերազմի դադարեցման, Գազայի հատվածից զորքերի ամբողջական դուրսբերման և Գազայի հատվածի կառավարման համար անկախ պաղեստինյան կոմիտեի ստեղծման մասին։
Թրամփը հայտարարել է, որ Իսրայելն ընդունել է գործարքի վերաբերյալ իր առաջարկած պայմանները, և ՀԱՄԱՍ-ը նույնպես պետք է գնա դրան:
