Նախքան Երևանի ավագանու նիստը, ավագանու «Հանրապետություն» խմբակցության պատգամավոր Անի Խաչատրյանը Նորք վարչական շրջանի Գայի պողոտա հ. 45/6 հասցեում բազմաբնակարան բնակելի շենքի կառուցման դեմ բողոքի ակցիա իրականացնող բնակիչներին ասաց, որ իր առաջարկով շենքի կառուցման նախատեսվող գործունեության իրականացմանը նախնական համաձայնություն տրամադրելու որոշման նախագիծը դուրս է գալու օրակարգից։
Արդեն ավագանու նիստում նա առաջարկեց հանել օրակարագից նախագիծը, Երևանի քաղաքապետ Տիգրան Ավինյանն էլ համաձայնեց։
Սակայն քաղաքապետարանի դիմաց հավաքված բնակիչները շարունակեցին իրենց ակցիան։
Անի Խաչատրյանը դուրս եկավ ավագանու նիստից ու զայրացած տոնով դիմելով քաղաքացիներին՝ ասաց. «Այս շոուն դուք շարունակում եք։ Ես օրակարգից հանեցի ձեր հարցը, ասացի՝ հետագայում կգամ, կխոսենք։ Այսպես՝ այս շոուի մաս կազմելու համար, ինձանից ոչինչ չպահանջեք»։
«Էս ինչ հաթաթա եք տալիս մեզ, եկեք, նորմալ խոսենք»,- վրդովվեցին քաղաքացիները։
«Մարդկանց ինչ-որ պատրվակ էր պետք, որ յանիմ՝ էլ մենք ձեզ չենք աջակցի, շինթույտվություն կտրամադրեն։ Այդ խոսքերից ես դա եմ հասկանում»,- ասաց ակցիայի մանակիցներից հասարակական գորիչ Արթուր Չախոյանը։
