Հայաստանում պաշտոնական տվյալներով կա 180 հազար գործազուրկ, ոչ պաշտոնական տվյալներով, նրանց թիվը հասնում է 500 հազարի։ Նման տվյալներ է հրապարակել «Մեր ձևով» շարժման համակարգող Նարեկ Կարապետյանը։
«Չկա տնտեսական պարզ քաղաքականություն։ «Մեր ձևով» շարժման հիմնական նպատակն է առաջարկել տնտեսական պարզ քաղաքականություն, որպեսզի երկրում վերջապես լուծվի գործազրկության հարցը։ Հավատացեք, գործազրկությունն այնքան մեծ խնդիր չէ, ինչքան մեզ փորձում են ներկայացնել։ 3 մլն-անոց մեր երկրում չի կարող լինել 500 հազար աշխատանք չունեցող մարդ»,-նշում է Ն. Կարապետյանը։
Նրա խոսքով, խնդրի լուծման համար պետք է լինի արդյունաբերականացում, կառուցվեն գործարաններ, որպեսզի կարողանանք մեզ անհրաժեշտ ապրանքներն արտադրել, ոչ թե ներմուծել։
«Տարեկան 4 մլրդ դոլարի մենք ավել ապրանք ենք գնում, քան վաճառում ենք, տարեկան 4 մլրդ դոլարով մենք աղքատանում ենք»,-ասաց Ն. Կարապետյանը։
