Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«Անդրանիկ Քոչարյանը չի ներկայացնի Ղարաբաղյան կլանի դավաճանության ամբողջական պատկերը, քանի որ դա Ղարաբաղի գրեթե բոլոր բնակիչներին հանցագործներ կդարձնի»,- գրում է բլոգեր Ռոման Բաղդասարյանը՝ նկատի ունենալով քառասունչորսօրյա պատերազմի մասին ԱԺ քննիչ հանձնաժողովի զեկույցը, որ օրերս փոխանցվել է Ազգային ժողովի նախագահին: Ո՞վ է Ռոման Բաղդասարյանին իրավունք վերապահել, որ «Ղարաբաղի գրեթե բոլոր բնակիչներին» անվանի «հանցագործներ»:
Որպես նրանցից մեկը, որ եղել է Լեռնային Ղարաբաղի Ազգային խորհրդի անդամ, ԼՂ-ից ընտված՝ առաջին գումարման ՀՀ ԳԽ եւ երեք գումարումների ԼՂՀ ԱԺ պատգամավոր, արտաքին հարաբերությունների հանձնաժողովի նախագահ պահանջում եմ բացահայտել, թե ո՞րն է կոնկրետ իմ հանցավորությունը: Հակառակ դեպքում թող Ռոման Բաղդասարյանը հրապարակային ներողություն խնդրի ղարաբաղյան առաջին, քառասունչորսօրյա եւ մեկօրյա ահաբեկչական պատերազմում զոհված ղարաբաղցիների հարազատներից, հարյուր հիսուն հազար արցախցիներից:
Մի քանի անձանց հետ նա, գուցե, խնդիրներ ունի կամ փորձում է ինչ-որ մեկին ինչ-որ բան ասել, բայց ամեն ինչ սահման ունի: ՖԲ ընկերներիս խնդրում եմ տարածել եւ միանալ «Ռոման Բաղդասարայնը պետք է հերքի արցախցիների հասցեին տարածած զրպարտությունը եւ ներողություն խնդրի» կոչին:
