«Ինչ Նիկոլն արել է այս ընթացքում, դրա հակառակն այլընտրանք է՝ հանձնելու այլընտրանքը հայրենիքի պաշտպանությունն է, քանդելու այլընտրանքը՝ երկիրը կառուցելը, ինքնության դեմ պայքարի՝ ինքնության պաշտպանությունը, բանակը կործանելու՝ ուժեղ բանակ կառուցելը»,- ԱԺ-ում լրագրողների հետ զրույցում ասաց ՀՅԴ ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանը։
Նա նշեց, որ առաջիկայում ավելի մանրամասն, ոլորտային կներկայացնեն իրենց անելիքները։
«Մենք նախընտրական արշավ չենք սկսել, բայց լուծումների մասին անընդհատ է խոսվում»,- ասաց Սաղաթելյանը։
Անդրադառնալով Ալեն Սիմոնյանի հայտարարություններին, մասնավորապես, մարդկանց հավաքելու հնարավորություն չունեն, իր նկարը եթե դնեն, ավելի շատ մարդկ կհավաքեն, Սաղաթելյանն ասաց. «Իր նկարը որ դնեն, մարդ կհավաքվի, բայց այդ մարդիկ ինչ կանեն այդ նկարի հետ, այդ մասին թող ինքը մտածի։
Ինչպես են վարվելու այդ նկարի հետ, կարծում եմ, շատերի համար պարզ է և ակնհայտ»։
