Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
Որպեսզի այսպես չլիներ, չպետք է քառասունչորսօրյա պատերազմ լիներ: Որպեսզի պատերազմ չլիներ, պետք է կատարեինք ՄԱԿ-ի ԱԽ չորս բանաձեւերի եւ ԵԱՀԿ Բուդապեշտի գագաթաժողովի որոշման պահանջները: Որպեսզի կատարեինք, չպետք է ունենայինք «արյամբ ազատագրված հողը թղթով չեն հանձնում» եւ «հող հանձնողին հանձնենք հողին» կարգախոս, որի շուրջ 2016 թվականի ամռանը Երեւանում տասնյակ հազարավոր մարդիկ էին համախմբվել եւ ՊՊԾ գունդը գրաված «Սասնա ծռերին» աստվածացնում էին: Իսկ որպեսզի այդ ամենը չլիներ, պետք է ունենայինք պրագմատիկ, կամային եւ կոշտ իշխանություն:
