«Լուսավոր Հայաստան» կուսակցության նախագահ Էդմոն Մարուքյանը գրում է․
«Թե բա՝ լա՞վ կլինի, եթե Թուրքիան էլ Արագածի պատկերը օգտագործի
Երբ քննադատեցի կառավարության որոշումը՝ սահմանային կնիքներից Արարատ լեռան պատկերը հեռացնելու, և հետևաբար նույն հիմնավորմամբ ՀՀ Զինանշանի վրայից Արարատը հեռացնելու նախապատրաստությունների գործընթացը, ինձ սկսեցին ՔՊ-ից և «փորձանքագիտական» դաշտից հակադարձել, թե բա՝ լա՞վ կլինի, եթե Թուրքիան էլ Արագած լեռան պատկերը օգտագործի իր կնիքներում և զինանշանի վրա։
Ուրեմն այսպես․ եթե Արագած լեռը թուրք ժողովրդի համար սրբության և ազգային ինքնության խորհրդանիշ է, թող օգտագործեն իրենց կնիքների և զինանշանի վրա։ Այդ հարցում ես որևէ խնդիր չեմ տեսնում։
Հետևաբար դադարեցրեք ձեր անհեթեթ համեմատություններով, անիմաստ վախերով խարխլել Հայաստանի ու հայկականության խորհրդանիշները և ոչնչացնել մեր ինքնությունը»։
Հիշեցնենք, որ Կառավարության որոշմամբ նոյեմբերի 1-ից ՀՀ մուտքի կամ ելքի սահմանանշանի (կնիքի) վրայից հանվելու է Արարատ լեռը։
