«Ես առաջարկում եմ, որ երազանք, ապագա իդեալ, այդ բառերի հետ մեր հարաբերությունները փոխենք, քանի որ ինչի՞ պետք է երազենք ժողովրդավարության մասին, եթե կարող ենք այդ ժողովրդավարությունը քննարկել և կառուցել»,-ասել է վարչապետ Նիկոլ Փաշինյանը Ժողովրդավարության հայկական ֆորումի ժամանակ։
Նա խոսել է նախկինում եղած երազանքի մասին. «Հեղափոխությունը տեղի ունեցավ առանց որևէ բռնության։ Հիմա՝ 2018-ից հետո, Հայաստանում որևէ ընտրություն կեղծվե՞լ է։ Կարծում եմ՝ ամբիցիոզ չի հնչի, եթե ասեմ ոչ»,-ասել է նա և հավելել՝ Հայաստանում կա խոսքի ազատություն, ազատ է նաև մամուլն ու ինտերնետը։
