«Ես չեմ տեսել մի երկիր, որն այսքան հոգս պատճառի իր ժողովրդին։ Ինձ կարո՞ղ եք ցույց տալ աշխարհում մի երկիր, որ այսքան բնակչության ունեցող ժողովուրդն այսքան դատական խնդիրների մեջ լինի»,- Հակակոռուպցիոն դատարանի մոտ լրագրողների հետ զրույցում ասաց Գյումրու քաղաքապետ Վարդան Ղուկասյանը։
Նա նշեց՝ մտածում է հավանական պատճառն այն է, որ ուզում են երկիրը դատարկել։
«Երկիրը դատարկվում է, ազգանպաստ, ժողովրդանպաստ որոշում չկա, բացի ժողովրդին վատ բան անելուց, լավ բան չեմ տեսնում»,- ասաց Վ.Ղուկասյանը։
Հարցին՝ արդյո՞ք Գյումրիում իր աշխատանքը խոչընդողող բաներ նկատում է, նա պատասխանեց. «Միանշանակ։ 50 դիմում եմ գրել վարչապետին, քաղաքում լուրջ խնդիրներ կան։ Էն Արայիկ կա ինչ-որ բան, պատասխանում է, որ դիմումներն ուղարկեք մարզպետարան։ Պատկերացրեք՝ երկրորդ քաղաքի քաղաքապետը չի կարող վարչապետին գրություն ուղարկել։
Պինոչետի երկրում նման բան չի եղել»։
