ԱՄՆ նախագահ Դոնալդ Թրամփը պատրաստվում է երեքշաբթի հանդես գալ ՄԱԿ-ի Գլխավոր վեհաժողովում՝ այն ժամանակ, երբ աշխարհի առաջնորդները փորձում են լուծումներ գտնել Գազայի ու Ուկրաինայի ճգնաժամերին։ Նրա «America First» քաղաքականությունը կասկածի տակ է դնում Վաշինգտոնի պատրաստակամությունը՝ պահպանելու առաջնորդի դերը համաշխարհային հարցերում։
Թրամփի երկրորդ նախագահության ութ ամիսների ընթացքում կտրուկ կրճատվել է արտաքին օգնությունը, բարձրացվել են սակագները նույնիսկ դաշնակիցների նկատմամբ, իսկ միգրացիոն հարցերում Սպիտակ տունը պատրաստվում է առաջարկել ապաստանի իրավունքի խստացումներ։ Ըստ նախագծերի՝ ապաստան հայցողները պետք է դիմեն առաջին երկրում, որտեղ հայտնվել են, այլ ոչ թե իրենց ընտրած պետությունում։
ՄԱԿ-ի վեհաժողովը տեղի է ունենում այն պահին, երբ Իսրայելի և ՀԱՄԱՍ-ի պատերազմը մոտենում է երկրորդ տարելիցին։ Մինչև շաբաթ օրը ելույթ կունենան նաև Ուկրաինայի նախագահ Վլադիմիր Զելենսկին և Ռուսաստանի ԱԳ նախարար Սերգեյ Լավրովը։ Թրամփը կանցկացնի հանդիպումներ ինչպես Զելենսկու, այնպես էլ Արգենտինայի նախագահ Խավիեր Միլեյի ու մի շարք արաբական երկրների ղեկավարների հետ, հայտնում է Reuters-ը։
