ՆԱՏՕ-ն սպառնացել է Ռուսաստանին ռազմական պատասխանի դեպքում ավելի կոշտ արձագանքով պատասխանել։
«Այս ներխուժումը Ռուսաստանի անպատասխանատու պահվածքի ավելի լայն միտման մի մասն է։ Ռուսաստանը չպետք է կասկածի. ՆԱՏՕ-ն և դաշնակիցները միջազգային իրավունքին համապատասխան կօգտագործեն բոլոր անհրաժեշտ ռազմական և ոչ ռազմական գործիքները ինքնապաշտպանության և բոլոր ուղղություններից ցանկացած սպառնալիք զսպելու համար:
Մենք շարունակելու ենք արձագանքել այն հերթականությամբ, այն ժամանակով և այն ոլորտում, որը ինքներս ենք ընտրել։ Մեր հավատարմությունը 5 -րդ հոդվածին անսասան է», – ասվում է ՆԱՏՕ-ի հայտարարության մեջ։
Նշվում է, որ ՆԱՏՕ-ի անդամ երկրներ՝ Էստոնիան, Լեհաստանը, Ֆինլանդիան, Լատվիան, Լիտվան, Նորվեգիան, Ռումինիան տուժել են Ռուսաստանի կողմից՝ բախվելով օդային տարածքի խախտումներին։
