Արցախի ԱԺ նախկին պատգամավոր, քաղաքական վերլուծաբան Վահրամ Աթանեսյանը «Ֆեյսբուքի» իր էջում գրել է.
Ո՞վ է հիշում, սեպտեմբերի ո՞ր օրն է Թուրքիայի արտգործնախարար Ֆիդանն ասել, որ Հայաստանը եւ Ադրբեջանը մինչեւ եկող տարվա կես կստորագրեն խաղաղության եւ հարաբերությունների հաստատման մասին համաձայնագիրը, ե՞րբ է Արցախի ԱԺ-ն սեպտմեբերի 19-ը հռչակել պահանջատիրության օր, ե՞րբ է «Պատիվ ունեմ» խմբակցությունը Նիկոլ Փաշինյանի իմպիչմենտի թեման վերաակտուալացրել, ե՞րբ է Սամվել Շահրամանյանը դատի տվել ԿԳՄՍ-ին եւ պատմության դասագրքի հեղինակին, ե՞րբ եւ ովքե՞ր են Բաքվի «դատարանում» միջնորդել, որպեսզի Նիկոլ Փաշինյանը եւ Արարատ Միրզոյանը դատակոչվեն եւ հարցաքննվեն:
Այսինքն, ՀՀ-ն լինի Իլհամ Ալիեւին ընդդատյա: Թե բա՝ «Ալիեւի առջեւ կզածը…»:
Սա արդեն նույնիսկ «կզել» չէ, մեղմ ասած՝ քաղաքական պնակալիզություն է: Եւ ոչ ոք չգիտի, թե այդ «շղթան» ե՞րբ, որտե՞ղ, ինչպե՞ս է փակվելու: Եւ արդյոք դա «շղթա՞ է», թե Հայաստանի պետականության վզին «մոմած թո՞կ»:
