Թուրքիան ողջունում է օգոստոսի 8-ին Վաշինգտոնում ձեռնարկված ջանքերը՝ Ադրբեջանի և Հայաստանի միջև կայուն խաղաղություն հաստատելու համար, Նյու Յորքում ՄԱԿ-ի Գլխավոր ասամբլեայի 80-րդ նստաշրջանում հայտարարել է Թուրքիայի նախագահ Ռեջեփ Թայիփ Էրդողանը։
«Ուրախ ենք, որ օգոստոսի 8-ին Հայաստանն ու Ադրբեջանը քայլեր ձեռնարկեցին դեպի կայուն խաղաղություն։ Կրկին շնորհավորում եմ Ադրբեջանի նախագահ Իլհամ Ալիևին, Հայաստանի վարչապետ Նիկոլ Փաշինյանին և ԱՄՆ նախագահ Դոնալդ Թրամփին, ովքեր իրենց ներդրումն ունեցան այս գործընթացում»,- ասել է նա։
Էրդողանն ընդգծել է, որ այս համատեքստում Թուրքիայի և Հայաստանի միջև հարաբերությունների կարգավորումը կշարունակվի ըստ նախատեսվածի։
