«Դեպքի վայրի լրացուցիչ զննություն էինք իրականացնում»,-Փարաքարի համայնքապետ Վալոդյա Գրիգորյանի սպանության վայրի հարակից հատվածում հայտնեց քննչական խմբի ներկայացուցիչը։
Նա տեղեկացրեց, որ այն տանը, որի դիմաց սպանություն էր տեղի ունեցել, այդ պահին մարդ չի բնակվում։
Պատասխանելով լրագրողների հարցին, թե արդյոք կասկածյալ կա՝ քննիչն ասաց. «Այս պահին դեռ կասկածյալ չկա»։
Հիշեցնենք, որ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։
Կրակոցների հետևանքով կա 2 զոհ, 1 վիրավոր։ Մահացածներից մեկը համայնքի ղեկավար Վալոդյա Գրիգորյանն է, մյուսը քրեական ոստիկանության աշխատակից, որը ծառայության մեջ չէր եղել։
