Ադրբեջանի նախագահի օգնական Հիքմեթ Հաջիևը հայտարարել է, որ նախկինում Վաշինգտոն այցելելիս միշտ խոսել է հայ-ադրբեջանական հակամարտության մասին, իսկ հիմա այդ մայրաքաղաք է գալիս բոլորովին նոր օրակարգի մասին ուղերձով:
«Այդ հակամարտությունն ավարտվել է։ Օգտվելով առիթից՝ ցանկանում եմ նշել, որ մենք չափազանց շնորհակալ ենք նախագահ Թրամփին և նրա վարչակազմին առաջնորդի դեր ստանձնելու և այս հակամարտության վերջնական լուծմանը նպաստելու համար: Այժմ տարածաշրջանում կայուն խաղաղություն է տիրում»,- նշել է Հիքմեթ Հաջիևը։
