Իրանի նախագահ Մասուդ Փեզեշքիանն ընդգծել է՝ Իսլամական Հանրապետությունը երբեք միջուկային զենք ձեռք բերելու խնդիր չի դրել և չի էլ դնի: Նրա խոսքերն է մեջբերում Mehr News Agnecy-ն։
«Եվս մեկ անգամ հայտարարում եմ ՝ Իրանը չի ձգտել և չի ձգտի միջուկային ռումբի ստեղծմանը», – ասել է նախագահը։
Փեզեշքիանը նաև ընդգծել է՝ այսպես կոչված «Եվրոեռյակը» ԱՄՆ-ի աջակցությամբ փորձել է ճնշում գործադրել Իրանի վրա և վերադարձնել հակաիրանական պատժամիջոցները, որոնք հանվել էին 2015 թվականի միջուկային համաձայնագրի շրջանակներում:
