Հայաստանի և Ադրբեջանի արտաքին գործերի նախարարներ Արարատ Միրզոյանը և Ջեյհուն Բայրամովը Նյու Յորքում մասնակցել են ԱՄՆ պետքարտուղար Մարկո Ռուբիոյի կողմից կազմակերպված տրանսատլանտյան ընթրիքին։
Միջոցառման շրջանակում Միրզոյանը և Բայրամովը կարճ զրույց են ունեցել Ռուբիոյի հետ։
Ընթրիքին մասնակցել են նաև Եվրամիության և ՆԱՏՕ-ի անդամ պետությունների արտաքին գործերի նախարարներ, ՆԱՏՕ-ի գլխավոր քարտուղար Մարկ Ռյուտեն և ԵՄ բարձր ներկայացուցիչ Կայա Կալլասը։ Դրա շրջանակում անդրադարձ է եղել տրանսատլանտյան համագործակցությանը, ռուս-ուկրաինական պատերազմին, Մերձավոր Արևելքի անվտանգությանը և Հայաստանի ու Ադրբեջանի միջև խաղաղության հասնելու ուղիներին:
