ՀՀ փոխվարչապետ Մհեր Գրիգորյանը հեռակապով կմասնակցի Մինսկում կայանալիք ԱՊՀ կառավարությունների ղեկավարների խորհրդի նիստին, իսկ Նիկոլ Փաշինյանը չի մասնակցի։ Այս մասին ՏԱՍՍ-ին հայտնել է փոխվարչապետի մամուլի ծառայությունը։
«Փոխվարչապետ Մհեր Գրիգորյանը տեսակապի միջոցով կմասնակցի Մինսկում կայանալիք ԱՊՀ կառավարությունների ղեկավարների խորհրդի նիստին»,-պարզաբանել է մամուլի ծառայությունը։
Հայ պաշտոնյաներն արդեն մեկուկես տարի է ինչ անձամբ չեն մասնակցել Բելառուսում անցկացվող միջոցառումներին Փաշինյանի և նախագահ Ալեքսանդր Լուկաշենկոյի միջև լարված հարաբերությունների պատճառով։ Լարվածությունը սկսվել է Լուկաշենկոյի 2024 թվականի մայիսին Ղարաբաղ այցելելուց հետո։ Նա, մասնավորապես, հայտարարել է, որ Մինսկն ու Բաքուն «ունեն ընդհանուր պատկերացում աշխարհի և դրա գնալու ուղղության մասին», առաջարկելով Ադրբեջանի նախագահ Իլհամ Ալիևին օգնություն Ղարաբաղի հետպատերազմյան վերականգնման գործում։ Դրանից հետո Փաշինյանը հայտարարել է, որ հայ պաշտոնյաները չեն այցելի Բելառուս, «քանի դեռ նախագահ Լուկաշենկոն այնտեղ է»։
