Ուկրաինական զորքերը հաջողությունների են հասել Դոնեցկի մարզի Դոբրոպոլսկի ուղղությամբ։ Ռուսական բանակի ստորաբաժանումների մի մասը շրջափակման մեջ է հայտնվել: Այս մասին տելեգրամի իր էջում գրել է Ուկրաինայի զինված ուժերի գլխավոր հրամանատար Ալեքսանդր Սիրսկին:
«Խորհրդակցություն եմ անցկացրել հակահարձակողական գործողությանը ներգրավված զորամասերի և ստորաբաժանումների հրամանատարների հետ։ Մեր զորքերի հստակ ծրագրված և համարձակ գործողությունների շնորհիվ թշնամու ստորաբաժանումների մի մասը հայտնվել է շրջափակման մեջ», – գրել է նա։
Սիրսկիի խոսքով՝ հակահարձակողական գործողության սկզբից Դոբրոպոլսկի ուղղությամբ ազատագրված տարածքի տարածքը կազմել է շուրջ 175 քառ. կմ:
