Անհետ կորածների ծնողները հավաքվել են պաշտպանության նախարարության դիմաց։ ՊՆ պաշտոնյաները հրաժարվել են ընդունել ծնողներին։
«Այսօր պետք է 30 ծնող ընդունեին, բայց, ինչպես միշտ, այս թույլիկ մորքուրները, ինչպես թողել ու փախել են պատերազմից, նույնը ծնողից փախան»,- ասաց անհետ կորած զինծառայողներից հարազատներից մեկը։
Փաստը, որ իրենց չեն ընդունում, զայրացրեց ծնողներին։ Տարածքում մեծ թվով ռազմական ոստիկանության ծառայողներ են։
«Գնա, երեխուս բեր»,- գոռում է ծնողներից մեկը։
ՊՆ վարչական համալիրի մուտքը փակեցին ծնողների առջև։ Ծնողների ու ռազմական ոստիկանության ծառայողների միջև քաշքշոց սկսվեց։
Մեծ թվով ոստիկաններ ժամանեցին ՊՆ վարչական համալիրի մոտ։
