Իսպանիան արգելել է Իսրայելի համար զենք, զինամթերք կամ ռազմական տեխնիկա տեղափոխող ԱՄՆ ինքնաթիռների կամ նավերի տեղափոխումը Ռոթա և Մորոն դե լա Ֆրոնտերա բազաներով: Այս մասին հայտնում է El Pais թերթը։
Նշվում է՝ դա վերաբերում է ինչպես նավերին, որոնք նավարկում են ուղիղ դեպի Իսրայել, այնպես էլ նրանց, որոնց վերջնական նպատակակետը իսրայելական պետությունն է նախնական կանգառից հետո: Միևնույն ժամանակ, Իսպանիան չի ստուգում ԱՄՆ տրանսպորտային ինքնաթիռները կամ նավերը, որոնք կանգ են առնում իսպանական բազաներում:
Պենտագոնը կարող էր թաքցնել, թե ինչ բեռ են տեղափոխում ամերիկյան նավերը, սակայն, պարբերականի զրուցակիցների ենթադրությամբ, Մադրիդի և Վաշինգտոնի միջև հարաբերությունները հիմնված են վստահության վրա, որը լրջորեն կտուժեր այդ դեպքում: Իսպանիան բավականին կոշտ դիրքորոշում ունի Իսրայելի նկատմամբ՝ Գազայում ստեղծված իրավիճակի պատճառով։
