«Հայրենակիցները անպաշտպան են, փոխարենը պաշտպանված են իշխանության բարձր օղակներում գտնվող անձինք»,-ԱԺ-ում ասել է «Հայաստան» խմբակցության պատգամավոր Գառնիկ Դանիելյանը՝ անդրադառնալով ոստիկանական համակարգին։
Ըստ պատգամավորի՝ կառավարության շենքի, առանձնատան մոտ, միջպետական ճանապարհներին հազարավոր ոստիկաններ կենդանի պատ են ստեղծում. «Եվ այս իրավիճակը Հայաստանում կա, դրա պատճառով քաղաքացին անպաշտպան է զգում»,-նշել է նա և հավելել՝ մարդիկ չեն վստահում ոստիկանական համակարգին և հաղորդում չեն տալիս հանցագործության մասին։
