ՌԴ ԶՈւ-ն ստիպված է երբեմն միջոցներ ձեռնարկել՝ ի պատասխան եվրոպական երկրների սադրանքների, որոնք խոչընդոտում են նավարկությանը տարբեր ջրային տարածքներում, այդ թվում՝ Բալթիկայում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է Gazeta-ն։
«Մի շարք ջրային տարածքներում, այդ թվում՝ Բալթիկայում, եվրոպական երկրները, ափամերձ պետությունները շատ սադրիչ գործողություններ են ձեռնարկում, որոնք, մեր տեսանկյունից, բացարձակապես չեն նպաստում առևտրային նավագնացության ազատության ապահովմանը», – ասել է Կրեմլի ներկայացուցիչը:
«Երբեմն դա ստիպում է մեր Զինված ուժերին պատասխան միջոցներ ձեռնարկել», – ընդգծել է պետության ղեկավարի ներկայացուցիչը:
