Հայաստանը Եվրամիության համար առանցքային գործընկեր է․ Ֆոն դեր Լայեն

Մենք ուրախ ենք Հայաստանի և Ադրբեջանի միջև կայացած նշանակալի առաջընթացի համար, որը կայացել է ԱՄՆ նախագահ Դոնալդ Թրամփի միջնորդությամբ։ Սա կարևոր քայլ է տարածաշրջանում խաղաղության և կայունության պահպանման համար։ Այս մասին գրել է Եվրահանձնաժողովի ղեկավար Ուրսուլա ֆոն դեր Լայենը։

«Մենք վճռական ենք խորացնելու մեր համագործակցությունը։ Հայաստանը ԵՄ-ի առանցքային գործընկերն է։

«Գլոբալ դարպաս» ռազմավարության միջոցով մենք կխթանենք տարածաշրջանային կապը՝ ընդգրկելով առևտուրը, տրանսպորտը, էներգետիկան և թվային տեխնոլոգիաների ոլորտները։

Անհամբեր սպասում ենք 2026 թվականի առաջին կեսին Երևանում կայանալիք ԵՀԽ հաջորդ գագաթնաժողովին»։