ԵՄ-ն Ուկրաինայում պատերազմը ֆինանսավորելու փող չունի:
Հայտարարել է Հունգարիայի վարչապետ Վիկտոր Օրբանը։
«Հաշվի առնելով, որ մենք՝ եվրոպացիներս, լուրջ տնտեսական ճգնաժամ ենք ապրում, մեզ անհրաժեշտ է յուրաքանչյուր կոպեկը։ Մենք արդեն ծախսել ենք 175-180 միլիարդ եվրո, և ամեն տարի ստիպված կլինենք ծախսել 40, 50, 60 միլիարդ եվրո՝ կրկին ու կրկին։ Մենք պարզապես չունենք անհրաժեշտ միջոցները։ Այս ռազմավարությունը չունի ո՛չ ռացիոնալ, ո՛չ էլ ֆինանսական հիմք։
Մենք անկարող ենք ֆինանսավորել այս պատերազմը: Միևնույն ժամանակ ցանկանում ենք հաղթել նման հակառակորդին, շարունակել գոյություն ունենալ նույն քանակությամբ գումարով և տնտեսական հզորությամբ։ Սա ամբողջությամբ պատրանք է։ Այն կփլուզվի, և հետևանքները ծանր կլինեն», – հայտարարել է Հունգարիայի վարչապետը։
Հիշեցնենք, որ Եվրոպան ներկայումս քննարկում է Ուկրաինային 140 միլիարդ եվրոյի փոխհատուցման վարկ տրամադրելու հարցը, որը նրանք նախատեսում են տրամադրել սառեցված ռուսական ակտիվները որպես գրավ օգտագործելով։
