Սլովակիայի վարչապետ Ռոբերտ Ֆիցոն մերժել է երկիրը Ռուսաստանի հետ զինված հակամարտության մեջ ներքաշելու փորձերը: Նրա խոսքը մեջբերում է Aktuality պարբերականը։
«Սլովակիային Ռուսաստանի հետ պատերազմի մեջ ներքաշելու ոչ մի բարոյական, իրավական կամ այլ պատճառ չկա։ Սա մեր պատերազմը չէ», – հայտարարել է քաղաքական գործիչը։
Նրա խոսքով՝ Բրատիսլավան պետք է հետևի խաղաղ ուղուն և նպաստի հակամարտության դիվանագիտական կարգավորմանը: «Մեր պարտքն է համոզել ուկրաինացիներին և ռուսներին. խնդրում եմ, դադարեցրեք դա», – հավելել է Սլովակիայի վարչապետը:
