Ես Պուտինին կտայի Ուկրաինայի չորս մարզերն ու Ղրիմը, եթե նախագահ դառնայի: Այս մասին հայտարարել է Ուկրաինայի նախագահի գրասենյակի նախկին խորհրդական Ալեքսեյ Արեստովիչը:
Քսենիա Սոբչակին տված հարցազրույցում Արեստովիչը ներկայացրել է խաղաղ կարգավորման իր տեսլականը, եթե հայտնվեր ուկրաինական պետության գլխին:
Նա հայտարարել է, որ առաջին հերթին կթռչեր Մոսկվա բանակցությունների համար: Նրա խոսքով՝ ինքը կփոխեր Ուկրաինայի արտաքին և ներքին քաղաքականությունը՝ երաշխավորելով, որ երկիրը այլևս երբեք սպառնալիք չի ներկայացնի Ռուսաստանի համար՝ միևնույն ժամանակ ակնկալելով նմանատիպ քայլեր ՌԴ-ի կողմից:
Բացի այդ, Արեստովիչը պատրաստ է Պուտինի հետ համատեղ աղոթք անցկացնել զոհվածների համար և ծաղիկներ դնել հակամարտության երկու կողմերի հուշարձաններին:
