Լեհաստանը վաղուց արդեն ապակառուցողական ջանքեր է գործադրում՝ խաթարելու և ոչնչացնելու ԵԱՀԿ-ի էությունը։ Այս մասին ՏԱՍՍ-ին ասել է Ռուսաստանի արտաքին գործերի նախարարության խոսնակ Մարիա Զախարովան։
«Վարշավան վաղուց է զբաղվում ապակառուցողական գործունեությամբ, որն ուղղված է ԵԱՀԿ-ի էության խաթարմանը և ոչնչացմանը։ Նրանք պետք է ուշադիր ուսումնասիրեն, թե ինչ է այն խորհրդանշում, ինչ է նշանակում նրա անվանումը և ինչու է այն ստեղծվել։ Այն ստեղծվել է անվտանգության համագործակցության համար։ ՆԱՏՕ-ի ջանքերի շնորհիվ այս անվտանգությունից և համագործակցությունից քիչ բան է մնացել»,ասել է Զախարովան:
