«Ի՞նչ խաղաղության մասին է խոսում այսօր Նիկոլ Փաշինյանը։ Այն խաղաղության, որը մեծապես կախված է մեկ մարդու՝ Ալիևի տրամադրությունից, քանի որ չկան երաշխիքներ, երաշխավորներ, մեխանիզմներ»,-լրագրողների հետ ընթացող հանդիպմանը հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով Հայաստանի ու Ադրբեջանի միջև խաղաղության հաստատման հնարավորության մասին հարցին։
Նա շարունակեց, ողջ խաղաղությունը կախված է մեկ մարդու խղճից, և այդ մարդը կարող է մի օր վատ երազ տեսնի, մի օր մտածի խառնաշփոթ աշխարհում լուծի Զանգեզուրի հարցը։
«Մենք դեմք չենք խաղաղությանը, իհարկե։ Ի՞նչ ենք առաջարկում։ Առաջարկում ենք խաղաղություն, որը կունենա վերահսկելու մեխանիզմներ, խաղաղություն, որը կունենա երաշխավորողներ, որոնք պատասխանատվություն կկրեն, ոչ թե վկա կլինեն։ ԱՄՆ կողմից այստեղ որևէ երաշխավորում չկա։ Սա մի հնարք է հերթական անգամ մարդկանց խաբելու։ Չկա խաղաղություն։ Նույնիսկ այդ բառը ես սխալ օգտագործեցի, կա զինադադար՝ կախված մեկ մարդու ցանկությունից»,-ասաց նախկին նախագահը։
