Գազայի հատվածում հրադադարի ծրագրի իրականացման շուրջ բանակցությունները «մոտենում են ավարտին», ասել է ԱՄՆ նախագահ Դոնալդ Թրամփը։
«Կարծում եմ՝ մենք շատ մոտ ենք համաձայնության։ Շատ, շատ մոտ։ Դա կլինի հատուկ համաձայնագիր, որը խաղաղություն կբերի Մերձավոր Արևելքին», – ընդգծել է Սպիտակ տան ղեկավարը ամերիկյան Newsmax հեռուստաալիքին տված հարցազրույցում։
Թրամփը նշել է, որ բոլոր կողմերը ցուցաբերում են բարի կամք, և հույս է հայտնել հաջող ավարտի համար։ Նա ասել է, որ ծրագրին աջակցում են բոլոր արաբական և մուսուլմանական երկրները, ինչպես նաև միջազգային հանրությունը։
Ամերիկացի առաջնորդը նաև նշել է, որ այս տարի ինքը «ավարտել է յոթ պատերազմ»։
