«Վաշինգտոնի գագաթնաժողովի կարևոր արդյունքներից մեկը «Զանգեզուրի միջանցքի» բացումն է»,- հայտարարել է Ադրբեջանի նախագահ Իլհամ Ալիևը Թյուրքալեզու պետությունների կազմակերպության պետությունների ղեկավարների խորհրդի 12-րդ գագաթնաժողովում։
«Զանգեզուրի միջանցքը մեծ նշանակություն ունի որպես նոր տրանսպորտային զարկերակ և երկրորդ երթուղի՝ թե՛ Միջին միջանցքի, թե՛ Հյուսիս-Հարավ միջանցքի շրջանակներում», – ասել է Ալիևը։
Նա նաև հայտարարել է, որ երկու ամիս առաջ Վաշինգտոնի Սպիտակ տանը Ադրբեջանի և Հայաստանի միջև խաղաղության համաձայնագրի նախաստորագրումը «Հարավային Կովկասը կվերածի խաղաղության տարածքի»։
Ալիևի խոսքով, Վաշինգտոնի գագաթնաժողովի շրջանակներում ԵԱՀԿ Մինսկի խմբի և դրան առնչվող կառույցների փակման վերաբերյալ համատեղ կոչով անցյալի հակամարտության այս մնացորդները նույնպես վերացվել են ԵԱՀԿ սեպտեմբերի 1-ի որոշմամբ։
