Եվրոպական հանձնաժողովի նախագահ Ուրսուլա ֆոն դեր Լեյենը հայտարարել է, որ անօդաչու թռչող սարքերի վերջին ներխուժումները և օդային տարածքի այլ խախտումները ԵՄ-ի դեմ ուղղված նպատակային հիբրիդային արշավի մաս են կազմում։
«Սրանք պատահական հետապնդումներ չեն», այլ «նպատակային և սրվող արշավ, որը նախատեսված է մեր քաղաքացիներին անհանգստացնելու, մեր վճռականությունը փորձարկելու, մեր Միությունը պառակտելու և Ուկրաինային մեր աջակցությունը թուլացնելու համար»,– հայտարարել է նա և հավելել․ «Ժամանակն է սա անվանել իր անունով։ Սա հիբրիդային պատերազմ է»։
Ելույթ ունենալով Ստրասբուրգում՝ նա նշել է, որ Եվրոպայի արձագանքը պետք է լինի համապարփակ.
«Ռուսաստանի հիբրիդային պատերազմին հակազդելը միայն ավանդական պաշտպանության մասին չէ։ Այն մեզանից պահանջում է նոր մտածողություն»։
