Ուկրաինայի նախագահ Վոլոդիմիր Զելենսկին հայտարարել է, որ ռուսական կողմը բացահայտ ստում է Թրամփին երկրի արևելքում հաջողությունների մասին։
«Կարծում եմ, որ մեր հանդիպումը, գումարած իրական փաստերը, նրան ավելի լայն պատկերացում են տալիս, որ ռուսները նրան վաճառում են ոչ այն, ինչ կարող են անել։ Այսինքն, բացահայտ ստում են», – լրագրողներին տված մեկնաբանության մեջ ասել է նա։
Ըստ նրա՝ իրականությունը այնպիսին է, որ ռուսները չեն կարող գրավել Ուկրաինայի արևելքը շատ արագ, սակայն Պուտինին պետք է ինչ-որ բան ցույց տալ, ուստի դա կարող է լինել պատճառներից մեկը, թե ինչու են առանձին շրջաններ գտնվում ռուսական ինտենսիվ գնդակոծությունների տակ։
