Դուշանբեում կայացած բանակցություններից հետո Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը գրկախառնվել են ԱՊՀ երկրների ղեկավարների ոչ պաշտոնական հանդիպման ժամանակ. հայտնել է ՌԻԱ Նովոստիի թղթակիցը:
ԱՊՀ երկրների ղեկավարները հավաքվել են Տաջիկստանի նախագահի նստավայրում՝ ոչ պաշտոնական միջավայրում զրուցելու համար: Հանդիպումն անցել է «առանց փողկապի» ձևաչափով: Ադրբեջանի նախագահ Իլհամ Ալիևը ժամանել է վերջինը: Նա ձեռքսեղմումով և գրկախառնությամբ ողջունել է Ռուսաստանի նախագահ Վլադիմիր Պուտինին, այնուհետև բարևել է ԱՊՀ մյուս երկրների ղեկավարներին: Դրանից հետո ոչ պաշտոնական շփումը շարունակվել է:
Հիշեցնենք՝ Դուշանբեում տեղի է ունեցել Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի հանդիպումը։
