Երևանը հյուրընկալել է «Ճանապարհ դեպի COP17» միջազգային համաժողովը, որը նվիրված էր գլոբալ կենսաբազմազանության օրակարգում Հայաստանի աճող դերակատարությանը և Կենսաբազմազանության վերաբերյալ ՄԱԿ-ի կոնվենցիայի կողմերի 17-րդ համաժողովի նախապատրաստական գործընթացին։
Իր խոսքում ԵՄ պատվիրակության համագործակցության բաժնի ղեկավարի տեղակալ պարոն Վացլավ Շտերբան վերահաստատել է ԵՄ ամուր հանձնառությունը COP17-ի հաջող ընթացքին՝ ընդգծելով Եվրոպական միության շարունակական աջակցությունը կենսաբազմազանության հետ կապված նախաձեռնություններին, ինչպես նաև Հայաստանի՝ ԵՄ բնապահպանական քաղաքականությանը համապատասխանելու ջանքերին:
