«Երեկ շփումներ եղել են ոչ միայն Ադրբեջանի ԱԳ նախարարի հետ, այլև՝ տարբեր երկրների պաշտոնյաների։ Ադրբեջանցի նախարարի հետ հնարավորություն ենք ունեցել մտքեր փոխանակել կարգավորման գործընթացի վերաբերյալ՝ ոչ շատ խոր»,-հայտարարել է ԱԳ նախարար Արարատ Միրզոյանը։
Ըստ նախարարի՝ հանդիպման ընթացքում կենտրոնացել են հումանիտար հարցերի շուրջ։ Նա հիշեցրել է, որ Հայաստանը և Ադրբեջանը ապաշրջափակում են միմյանց միջև տրանսպորտային հաղորդակցության ենթակառուցվածքները. «Երկաթուղու այն հատվածը, որը անցնելու է Հայաստանի հարավով կոչվելու է «TRIPP», և հայ-ամերիկյան ընկերությունը կզբաղվի անցնող ճանապարհի բոլոր հարցերով»,-նշել է նա։
Հիշեցնենք՝ Հայաստանի Հանրապետության վարչապետը, Ամերիկայի Միացյալ Նահանգների նախագահ Դոնալդ Թրամփի և Եգիպտոսի նախագահ Աբդել Ֆաթթահ աս-Սիսիի հրավերով, Շարմ Էլ Շեյխ քաղաքում մասնակցել է Մերձավոր Արևելքի Խաղաղության գագաթնաժողովին։
