Պատանդների ազատ արձակումից հետո պաղեստինյան ՀԱՄԱՍ շարժումը պետք է զինաթափվի. սա խաղաղության հասնելու կարևոր քայլ է. հայտարարել է Իսրայելի վարչապետ Բենիամին Նեթանյահուն CBS-ին տված հարցազրույցում։
Նա հայտարարել է, որ ՀԱՄԱՍ-ը պետք է վայր դնի զենքերը և ապառազմականացվի, հակառակ դեպքում «կսկսվի իսկական դժոխքը»։ «Մենք պետք է ապահովենք, որ Գազայում զենքի գործարաններ չլինեն։ Գազա զենքի մաքսանենգություն չպետք է լինի։ Սա ապառազմականացում է»,- բացատրել է Իսրայելի վարչապետը։
Նեթանյահուն հավելել է, որ ՀԱՄԱՍ-ի կողմից այս պայմանները չկատարելը կհանգեցնի «իրական քաոսի», բայց հույս է հայտնել խաղաղ կարգավորման համար։
