Արևմտյան դաշնակիցների կողմից Ուկրաինային տրամադրվող ռազմական օգնությունը մոտավորապես անցյալ տարվա մակարդակի վրա է։ Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն։
Նրա խոսքով՝ եվրոպական երկրներն ակտիվորեն ավելացնում են Կիևին աջակցության ծախսերը PURL նոր նախաձեռնության շրջանակներում, որը նախատեսում է ամերիկյան զինամթերքի և զենքի վաճառք ՆԱՏՕ-ի դաշնակիցներին՝ Ուկրաինային հետագայում փոխանցելու համար, և արդեն այդ ծրագրի շրջանակներում հատկացրել են մոտ երկու միլիարդ եվրո:
«Ծրագրի մեկնարկից անմիջապես հետո մենք տեսանք, թե ինչպես են Գերմանիան, Նիդեռլանդները, Կանադան, Շվեդիան, Նորվեգիան մեծացրել իրենց աջակցությունը։ Այսօր, հնարավոր է, նրանց միանան այլ երկրներ, ես դրական ակնկալիքներ ունեմ այդ առումով», – նշել է դաշինքի գլխավոր քարտուղարը։
