ՆԱՏՕ-ն ընդլայնվում է ԱՊՀ շրջանակներում՝ երկրներին ռազմական արդիականացման և հետախուզական ու իրավապահ մարմինների տեխնիկական հագեցման հարցում օգնելու քողի տակ։ «ՌԻԱ նովոստի»-ն գրում է, որ այդ մասին հայտարարել է Ռուսաստանի Դաշնային անվտանգության ծառայության (ԱԴԾ) տնօրեն և ԱՊՀ անդամ պետությունների անվտանգության մարմինների և հատուկ ծառայությունների ղեկավարների խորհրդի (ԱՊՀԾ) նախագահ Ալեքսանդր Բորտնիկովը։
ԱՊՀ պետությունների անվտանգությանն ու կայունությանը սպառնացող սպառնալիքները բարդ են և դիտավորյալ սնուցվում են դրսից։ Այդ մասին հինգշաբթի օրը Ուզբեկստանի Սամարղանդ քաղաքում ԱՊՀԾ-ի 57-րդ նիստում ասել է Բորտնիկովը։
«ՆԱՏՕ-ի ընդլայնման քաղաքականությունը, որի անմիջական հետևանքը ուկրաինական ճգնաժամն էր, սառեցված չէ։ Այն շարունակվում է հետխորհրդային այլ պետությունների հետ՝ ռազմական արդիականացման և ռազմական ենթակառուցվածքների տարբեր օգնության նախագծերի, հետախուզական և իրավապահ մարմինների տեխնիկական հագեցման, ինչպես նաև մասնագետների վերապատրաստման քողի տակ»,-նշել է Բորտնիկովը։
