Վարչապետ Նիկոլ Փաշինյանը տեղեկացրել է, որ հաջորդիվ կսահմանազատվեն այն հատվածները, որտեղով անցնելու են TRIPP ենթակառուցվածքները։
«Այն տեղերում, որտեղ հաղորդակցության կառուցում պետք է լինի, ենթադրվում է և տրամաբանական է, որ այդ հատվածում ենթակառուցվածքների համար սահմանազատում ու սահմանագծում տեղի ունենա»,-ասել է վարչապետ Նիկոլ Փաշինյանը՝ անդրադառնալով սահմանազատման հարցին։ Նա ընդգծել է, որ այդ տարածքում արդեն պարզ կլինի՝ սահմանը որտեղով է անցնում. «Հանձնաժողովները այժմ աշխատում են»,-նշել է նա։
