Եթե Եվրամիության որևէ երկիր թույլ չտա Ռուսաստանի նախագահ Վլադիմիր Պուտինի ինքնաթիռն իրենց օդային տարածքով թռչել, ապա դա կնշանակի, որ նրանք չեն ձգտում Ուկրաինայի հակամարտության կարգավորմանը: Նման կարծիք է հայտնել Հունգարիայի ԱԳ նախարար Պետեր Սիյարտոն, փոխանցում է Reuters-ը։
«Եթե ինչ-որ երկիր թույլ չտա Ռուսաստանի նախագահի ինքնաթիռի թռիչքը, ապա դա կնշանակի, որ նա խաղաղություն չի ուզում», – նշել Է դիվանագետը:
Սիյարտոն նաև հույս է հայտնել, որ եվրոպական երկրները թույլ կտան Պուտինի օդանավն իրենց օդային տարածքով անցնել Հունգարիա ճանապարհին: Նա նշել է, որ Սպիտակ տան ղեկավար Դոնալդ Թրամփի հետ Ռուսաստանի ղեկավարի հնարավոր հանդիպումը «կարևոր է խաղաղության գործի համար»:
