ԱՄՆ պետքարտուղար Մարկո Ռուբիոն հայտարարել է, որ ԱՄՆ-ն դեռևս ցանկանում է հանդիպել Ռուսաստանի հետ, չնայած Թրամփի վարչակազմի կողմից Ռուսաստանի երկու խոշորագույն նավթային ընկերությունների նկատմամբ պատժամիջոցների կիրառմանը։
«Մենք դեռևս կցանկանայինք հանդիպել ռուսների հետ… Ես լավ զրույց ունեցա արտգործնախարար Լավրովի հետ, և մենք կհետևենք դրան։ Մենք միշտ հետաքրքրված ենք լինելու համագործակցել, եթե խաղաղության հասնելու հնարավորություն լինի», – ասել է Ռուբիոն։
Ըստ նրա՝ նախագահ Թրամփը մի քանի ամիս շարունակ բազմիցս ասել է, որ որոշակի պահի նա ստիպված կլինի ինչ-որ բան անել, եթե առաջընթաց չգրանցվի խաղաղության համաձայնագրի հարցում։
«Այսօր այն օրն էր, երբ նա որոշեց ինչ-որ բան անել», – ընդգծել է Ռուբիոն։
