«Շատ եք պաշտպանում կարգալույծ քահանա Ստոպային։ Պարզվում է՝ Կադրիովի մոլի երկրպագուն է։ Գնացեք ու պաշտպանեք Կադիրովի մոլի երկրպագու կարգալույծ եղած Ստյոպային»,-ԱԺ-ում ունեցած ելույթում ասաց «Հայաստան» խմբակցության պատգամավոր Գեղամ Մանուկյանը։
Նա նշեց, որ ՔՊ-ականներն անհատապես Նիկոլ Փաշինյան գլխավորությամբ կարող են գնալ ուր ուզում են, բայց ոչ եկեղեցական արարողության։
«Խնդրանքս ու կոչս՝ մեր հայրենակիցներից որևէ մեկին չմոլորեցնեք, տանեք մեղք գործելու իբրև պայմանական պատարագի մասնակից»,- ասաց ընդդիմադիր պատգամավորը՝ դիմելով ՔՊ-ականներին։
Հիշեցնենք՝ հոկտեմբերի 21-ին Մայր Աթոռի տեղեկատվական համակարգը հայտարարել էր, որ Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Հայրապետական տնօրինությամբ կարգալույծ է հռչակվել Տ․ Արամ քահանա Ասատրյանը: Կարգալույծ եկեղեցականը դասվել է աշխարհականների շարքին՝ Ստեփան Ասատրյան ավազանի անունով:
Ի պատասխան Ստեփան Ասատրյանը հայտարարել, որ կիրակի պատրաստվում է պատարագ մատուցել։ Իսկ Փաշինյանն ասել էր. «Կիրակի օրը Հովհաննավանքում մասնակցելու եմ Տեր Արամ քահանա Ասատրյանի մատուցած Սուրբ եւ Անմահ Պատարագին»։
