«Հայաստանի տարածքների օկուպացիայի, Արցախի հայաթափման ու կորստի հարցերը, բազում ներքին ու արտաքին խնդիրներ մոռացության տալու համար ու հանուն նրա, որ իրեն դավաճան չասեն Վարչապետի պաշտոնին նստած անձը մտել է մարդկանց տներ` օրենքի կոպիտ խախտումներով, զբաղված է սկանդալների փնտրտունքներով, կատարում է արարքներ, որոնք սկզբունքորեն են հակասում վարչապետի կարգավիճակին»,-ընդգծում է Հայաստանի նախկին ՄԻՊ, «Միասնության թևեր» նախաձեռնության հիմնադիր Արման Թաթոյանը։
Նրա գնահատմամբ, անկախ այն բանից՝ տարածված տեսանյութերը կեղծ են, թե ոչ, գործում է հանցավոր այլանդակ սխեմա։
«Փաշինյանի համար կա մեկ գերխնդիր, ի՞նչ անել ու ինչպե՞ս անել, որպեսզի կարողանա պահպանել վարչապետի պաշտոնը, իսկ այդ խնդիրը լուծելու համար նա պետք է կատարի ադրբեջանական պահանջները։ Իսկ Ադրբեջանի գլխավոր պահանջներից է հայաստանյանց սուրբ եկեղեցու ոչնչացումը, նրանք մեր եկեղեցին հայտարարել են հինգերերոդ շարասյուն, թշնամական կառույց։ Փաշինյանը փորձում է եկեղեցին դարձնել ՔՊ-ի քարոզիչ կամ ՔՊ-ի կցորդ»,-ասաց Թաթոյանը։
